Խնդրում ենք սպասել...
COMMENT.am
Այսօր`  չորեքշաբթի, 21 նոյեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Քննարկումներ

«Սա ուղղակի խայտառակություն է». հանրությունը՝ Հայաստան - Ջիբրալթար խաղի մասին

կիրակի, 14 հոկտեմբերի, 2018 թ.
«Սա ուղղակի խայտառակություն է». հանրությունը՝ Հայաստան - Ջիբրալթար խաղի մասին

Երեկ «Հանրապետական» մարզադաշտում կայացավ ՈՒԵՖԱ-ի Ազգերի լիգայի խաղարկության խմբային փուլի 3-րդ տուրի Հայաստան - Ջիբրալթար հանդիպումը։ Հայաստանի ազգային հավաքականը նվազագույն հաշվով պարտություն կրեց։ Խաղից հետո համացանցում բազմաթիվ կարծիքներ են հնչում՝ պարտության վերաբերյալ։

Այս թեման մեկնաբանել են`

Արմեն Դուլյան, լրագրող

Արմեն Դուլյան, լրագրող

Կա, այնուամենայնիվ, մի բնագավառ, որտեղ իրավիճակ չի փոխվել... Լավ էլի, Չիպոլինոյի թիմին էլ պարտվե՞ս...Հայաստանցիներ, եկեք թեթև ընդունենք ու մնանք Ֆրանկոֆոնիայի դրական ազդեցության տակ։

Գագիկ Համբարյան, քաղաքագետ

Գագիկ Համբարյան, քաղաքագետ

Հայաստանը չունի ֆուտբոլի հավաքական


Հայաստանի ֆուտբոլի հավաքականի խայտառակ պարտությունը Ջիբրալթարի հավաքականին ոչնչով պատճառաբանել կամ բացատրել հնարավոր չէ... Սա անտրամաբանական և խայտառակ պարտություններից հերթականն էր...
Ես ֆուտբոլի մեծ սիրահար չեմ, բայց համարում եմ, որ այս խաղից հետո մեր հավաքականին պետք է ցրել և հայտարարել, որ Հայաստանը, գոնե ժամանակավորապես, ֆուտբոլի հավաքական չունի...
Ամոթ է այսպիսի խաղով ներկայանալ աշխարհին և դառնալ ծաղրուծանակի առարկա...
Հ.Գ. Այս մակարդակի խաղի պարագայում մեր ազգային հավաքականը նույնիսկ չի կարող մրցել Սան-Պաուլուի կամ Ռիո դե Ժանեյրոյի ֆավելաների պատանիներից ձևավորված բակային ֆուտբոլային թիմերի հետ...

Նարեկ Հարությունյան, լրագրող

Նարեկ Հարությունյան, լրագրող

ՄԵր թիմի ավագը ոնց որ ուրի՞շ մարդ էր, թե՞ սխալվում եմ...
Իսկ եթե լուրջ, էսօրվա խաղը դիվանագիտական անձնագրից զրկված միակ հայ ֆուտբոլիստի համար ավագի թևկապով վերջին խաղը պիտի լինի:


Թող ավագ լինեն նրանք, ովքեր կստանձնեն անձնական պատասխանատվություն ու էնքան կլինեն, որ սենց դեպքերում հենց իրենք կներկայանան, մարզասերների հետ խոսեն, պետք լինի ներողություն էլ խնդրեն, ոչ թե էսքան տարի հավաքականից բացակայած Յուրան կամ մեկ ուրիշը...

Ստյոպա Սաֆարյան, քաղաքագետ

Ստյոպա Սաֆարյան, քաղաքագետ

Հավաքականին ասեք՝ մեր թարաֆները չերևա, Վանեցյանին ասեք՝ մի շաբաթ մարդամեջ դուրս չգա, ասի՝ հիվանդ էի, մենք էլ Ջիբրալթարի նեղուցը լավ կլինի սուզալողով անցնենք՝ յանի ակուլա ենք բռնում:

Տիգրան Քոչարյան, մեդիափորձագետ

Տիգրան Քոչարյան, մեդիափորձագետ

Էսօր Չիպոլինոն մեզ գոլ խփեց, մյուս խաղին պետք ա ուշադրություն դարձնենք Միկի Մաուսին, ասում են շատ վտանգավոր խաղացող ա։

Գեղամ Ասատրյան, ԵՊՀ պատմության ֆակուլտետի ՈՒԳԸ նախագահ

Գեղամ Ասատրյան, ԵՊՀ պատմության ֆակուլտետի ՈՒԳԸ նախագահ

Փաստորեն, հեղափոխությունը ոչ միայն չի հասել Հրազդան ու ՀՀ բուհեր, այլև չի հասել հայկական ֆուտբոլ: Առաջինի ու վերջինի դեպքում որևէ միտում չի էլ նկատվում, հայտարարում եմ ամենայն պատասխանատվությամբ...

Սամվել Բադալյան, օգտատեր

Սամվել Բադալյան, օգտատեր

Թիմի ավագը իրա օրինակով պետքա ցույց տա, թե ոնց պետքա մեռնել հավաքականի համար, իսկ մեր ավագը ժամա մեռցնում ու շուտ տարածքից փախնումա՝ երկրպագուներին արհամարհելով։ Պահանջում եմ Հենրիխ Մխիթարյանի հրաժարականը, ինքն էլ մեր հավաքականի ՀՀԿ֊ական մաֆիոզնա։

Սաթինե Մանուկյան, օգտատեր

Սաթինե Մանուկյան, օգտատեր

Ֆուտբոլիստի համար լեփ-լեցուն մարզադա՞շտ էր պետք՝ կար։ Ամբողջ 90 րոպե երգեցին ու երկրպագում էին, բայց ի՞նչ էր անում ավագն ամբողջ խաղի ժամանակ՝ 2 անգամ աչքի ընկավ։ Նույնիսկ մոռացել էինք, որ Մխիթարյանը խաղումա.․. Ոնց որ ինքն էլ Մինասյանի ու Հայրապետյանի հետ գնացած լիներ ու, երևի, տենց էլ կա:

Լևոն Պաչաջյան, ֆուտբոլիստ

Լևոն Պաչաջյան, ֆուտբոլիստ

Մինչև տակտիկա, տեխնիկա, ստանդարտներ և այլ ֆուտբոլային մանրուքներին անցնելը պետք ա ֆուտբոլիստիներին նենց ոգեշնչես, տրամադրես, հասցնես ոգևորության այնպիսի գագաթնակետի, որ դաշտում մեռնեն։ Առանց կրքի ֆուտբոլը դատապարտված ա մահանալու։

Կարեն Սարոյան, օգտատեր

Կարեն Սարոյան, օգտատեր

Այսօրվա պարտության պատճառը միայն ու միայն ներկայիս ֆուտբոլի ֆեդերացիան է։ Ունենալով մոտ մեկ ամիս ժամանակ՝ մարզիչ է գտնում խաղից 5 օր առաջ։ Կարելի է նաև Հենոյին արդեն համարել ոչ հիմնական կազմի խաղացող։ Այն, որ նա մեր ֆուտբոլի լեգենդն է, միանշանակ է, բայց Հենոն Դորտմունդից հետո փայլել է մատերի վրա հաշված խաղերում։ Պետք է ընդհանրապես հրաժարվել այս կազմից, քանի որ այս կազմը լճացել է։ Ունենք բազմաթիվ ջահել ու տաղանդավոր տղաներ թե՛ Հայաստանում, թե՛ դրսում։ Ունենք երեք խաղ՝ ոչինչ չնշանակող։ Փորձարկեք բոլոր ջահելներին։


Ոսկան Սարգսյան, լրագրող

Ոսկան Սարգսյան, լրագրող

Ժայռ երկրից՝ Ջիբրալթարից կրած գերխայտառակ պարտությունից հետո Արմեն Գյուլբուդաղյանցը պետք է հրաժարական տա մեր հավաքականի գլխավոր մարզչի պաշտոնից: Ի վերջո, մարզիչն է թիվ 1 պատասխանատուն երեկվա քուչի մակարդակի խաղի և աննախադեպ խայտառակության համար: Պետք է հրաժարական տան նաև Հայաստանի ֆուտբոլի ֆեդերացիայի գործկոմի անդամ այն պաշտոնյաները, նախարարները, ովքեր ֆուտբոլի հետ մասնագիտական կապ չունեն: Իբր իրենց բնագավառները զարգացրել են, հիմա էլ ֆուտբոլի հարցերն են լուծում։

Դավիթ Գևորգյան, ՀՀ տարածքային կառավարման և զարգացման նախարարի տեղակալ

Դավիթ Գևորգյան, ՀՀ տարածքային կառավարման և զարգացման նախարարի տեղակալ

Այսօր հայկական ֆուտբոլի պատմության ամենավատ օրն է ու ամենաամոթալի էջը։ Սա ուղղակի խայտառակություն է։ Պետք է կազմալուծել այս հավաքականը։ Պարզապես պետք է խնայել հարյուր հազարավոր հայ ֆուտբոլասերների նյարդերը ու հարգել ազգային հավաքականի մարզաշապիկը։ Խոսքեր չկան ասելու ...

Գագիկ Աղբալյան, լրագրող

Գագիկ Աղբալյան, լրագրող

Յուրայի վերադարձը հավաքական, թվում է, կեղծ օրակարգ էր, որ մեր կյանք բերվեց ԶԼՄ-ների կողմից՝ նրանց ճնշմամբ։ Գյուլբուդաղյանցը ուղղակի տեղի տվեց մամուլի պահանջին։

Արքմենիկ Նիկողոսյան, գրաքննադատ

Արքմենիկ Նիկողոսյան, գրաքննադատ

Չէի ուզի Արմեն Գյուլբուդաղյանցի պես տաղանդավոր մարզչին այսպիսի անհարմար վիճակում տեսնել: Ու որքան էլ նա պնդի, թե պարտության ամբողջ մեղքը իրենն է, ես, այնուամենայնիվ, կարծում եմ, որ այս խայտառակության պատճառները ավելի խորն են: Դիցուք, այս օրերին բազմաթիվ լուսանկարներ ու տեսանյութեր տարածվեցին հավաքականի մարզումներից. դուք տեսա՞ք որևէ լուսանկար, որտեղ Հենոն ու Յուրան միասին էին, կամ որևէ դրվագ ֆիքսեցի՞ք նրանց ջերմ շփումից: Դժվար: Սա մանրո՞ւք է: Մանրուք չէ՛: Ու, կներեք ինձ, լավ է, որ պարտվեցինք: Թե չէ, մեր հավաքականի անհաջողությունները լոկ Ռուբեն Հայրապետյանով, Վարդան Մինասյանով կամ Յուրա Մովսիսյանի ներկայությամբ/բացակայությամբ պայմանավորողները դեռ երկար այդ հանգամանքները պիտի նշեին որևէ պատճառ: Ես կարծում եմ, որ հավաքականին թարմացումներ, սուպեր թարմացումներ են պետք: Ֆուտբոլիստներ են պետք, որ երազում են խաղալ հավաքականում, ֆուտբոլիստներ են պետք, որ, կներեք, երազում են միլիոնատեր դառնալ, ու այդ ճանապարհին հավաքականը դիտարկում են որպես շանս: Ի վերջո, Զավեն Բադոյանի, Արտակ Դաշյանի, Վահագն Այվազյանի, Գեղամ Հարությունյանի և ուրիշ ֆուտբոլիստների պես ֆուտբոլիստներ կան մեր տեսադաշտում: Եթե պարտվել, պետք է պարտվել նրանց հետ: Իսկ Արմեն Գյուլբուդաղյանցին պետք չէ քավության նոխազ դարձնել:

Կարպիս Փաշոյան, հրապարակախոս

Կարպիս Փաշոյան, հրապարակախոս

Հայաստանի ֆուտբոլի հավաքականը կործանված թիմ ա: Միայն պրոֆեսիոնալ գլխավոր մարզիչը կկարողանա այդ ավերակների վրա լուրջ թիմ ստեղծել: Ի դեպ Եվրոպայում կան այդպիսի մասնագետներ, պարզապես նրանց հրավիրելու համար լուրջ թվեր են պետք: Սա էն հարցն է, որ ես դեմ եմ խնայողությանը, իսկապես ՀՖՖ-ն պետք է ինչ-որ ելք գտնի ու Իտալիայից կամ էլ Նիդերլանդներից լուրջ մասնագետ հրավիրի: Պրոֆեսիոնալ մարզիչը կկարողանա թիմային կարգապահություն հաստատել, ֆուտբոլիստներին կմոտիվացնի ու Մխիթարյանին կստիպի վազել: Առանց լուրջ մարզչի նույնիսկ ամենալավ թիմերը դատապարտված են կործանման։

| | |
2527 | 0