Խնդրում ենք սպասել...
COMMENT.am
Այսօր`  երկուշաբթի, 17 դեկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Քննարկումներ

«Արմեն Սարգսյանը Սերժենց հանցավոր խմբի կողմից նշանակված գործիչ է, ոչ ավելին». արձագանքներ

ուրբաթ, 02 մարտի, 2018 թ.
«Արմեն Սարգսյանը Սերժենց հանցավոր խմբի կողմից նշանակված գործիչ է, ոչ ավելին». արձագանքներ

Ազգային ժողովը մարտի 2-ին ձայների 90 կողմ, 10 դեմ հարաբերակցությամբ ՀՀ նախագահ ընտրեց Արմեն Սարգսյանին: Հասարակական, քաղաքական շրջանակներում քննարկվում է նորընտիր նախագահի ընտրությունը:

Այս թեման մեկնաբանել են`

Ոսկան Սարգսյան, լրագրող

Ոսկան Սարգսյան, լրագրող

Ունեցանք Հայաստանի 4-րդ նախագահը, 4-րդ անօրեն ընտրված նախագահը: Վատագույն ավանդույթները շարունակվում են: Վերջին 20 տարում Հայաստանում չբնակված, Մեծ Բրիտանիայի քաղաքացի Արմեն Սարգսյանի նախագահ դառնալուն կողմ է քվեարկել ԱԺ տարբեր խմբակցությունների 90 պատգամավոր, ինչը նշանակում է, որ օրինապաշտ խորհրդարան չունենք: Չէինք էլ կարող ունենալ, քանի որ գիտենք, թե ինչպես են ընտրվել խորհրդարանի պատգամավորները: Փաստացի պատերազմի մեջ գտնվող, երկու կողմից թշնամիներով շրջապատված, հազար ու մի մարտահրավեր ունեցող Հայաստանին շարունակում են քարշ տալ անօրինության և պատեհապաշտության ճանապարհով:

Արփի Մախսուդյան, լրագրող

Արփի Մախսուդյան, լրագրող

Փաստորեն ճակատագրի հեգնանքով տասը տարի հետո, երկրորդ անգամ մարտին ՀՀԿ-ն և նրա արբանյակ կուսակցությունները զավթեցին իշխանությունը՝ թքած ունենալով Սահմանադրության վրա։ Մի պայծառ օր այս հանցագործների թայֆեն պատասխան է տալու՝ կանգնելով ՀՀ ազատագրված արդար դատարանի առաջ։

Կիմա Եղիազարյան, լրագրող

Կիմա Եղիազարյան, լրագրող

Ի՜նչ աստիճանի կարելի է նսեմացնել, զրոյացնել ՀՀ նախագահի կարգավիճակը, որ թեկնածուի ընտրությունը ԱԺ-ում անցկացնես ինչ-ինչ նորմատիվ ակտերի, ջրային ռեսուրսների, հենաշարժողական, աղբահանության ու նմանատիպ հարցերի քննարկման արանքում:
Էսպես էլի՝ ձեռի հետ համ էլ եկեք նախագահ ընտրենք:
Սա կատարյալ ծաղր է այդ ինստիտուտի նկատմամբ, որը իջեցվեց համատիրության նախագահի ընտրության մակարդակի:
Չեմ խոսում արդեն այն մասին, որ հանրության մեծ մասն իսկի չիմացավ էլ, որ ԱԺ-ում ՀՀ նախագահ է ընտրվել:
Երեք տասնամյակ հայրենիքից պորտալարով կտրված մարդուն, երևի, հասնում էր խցկել ընդամենը ԱԺ օրակարգում ընդգրկված հարցերի շարքում:
Ինչ վերաբերում է նրա քաղաքացիության հարցին, որ երեկ ԱԺ-ում դարձավ «թոփ թեմա», ինչը կրքոտ շրջանառեց շա՜տ թունդ ընդդիմադիր դաշինքը, դա, ինչպես ասում են, այլ օպերայից է, որի պարտիտուրի հեղինակը Սերժ Սարգսյանն էր:
Իր մոտ նախագահ աշխատող Արմեն Սարգսյանին ավելի հլու դարձնելու այլ ձև կա՞, քան քաղաքացիության մասին բարաթ չունենալու խնդիրն է:

Արման Գևորգյան, դերասան, հումորիստ

Արման Գևորգյան, դերասան, հումորիստ

Մաթեմատիկան կլասիկ կանոններ շատ ունի էլի...
Օրինակ էս մեկը, որ ասում ա - Նախագահների տեղերը փոխելիս նախագահը չի փոխվում:

Նիկոլ Փաշինյան, ԱԺ «Ելք» խմբակցության ղեկավար

Նիկոլ Փաշինյան, ԱԺ «Ելք» խմբակցության ղեկավար

ՀՀ նախագահի ընտրություններում արձանագրվել է 90 կողմ, 10 դեմ, 1 ձեռնպահ արդյունք, սա ցույց է տալիս, որ ի հեճուկս Վահրամ Բաղդասարյանի հայտարարությունների, ոչ թե ընդդիմության մեջ կան ծպտյալ ՀՀԿ-ականներ, այլ ՀՀԿ-ի մեջ կան ծպտյալ «Ելք»-ականներ:

Դավիթ Սանասարյան, ավագանու նախկին անդամ

Դավիթ Սանասարյան, ավագանու նախկին անդամ

Փողով, վարչական ու քրեական ռեսուրսների համատեղ ու առանձին-առանձին օգտագործմամբ, մի խոսքով՝ հանցագործ ճանապարհով ընտրած ԱԺ-ի, դրա կողմից կեղված-«ընդունված» սահմանդրությունով, ու նույն սահմանադրության կեղծմամբ քվեարկված նախագահը լինի սահմանադրական ու լեգիտի՞մ։


Արմեն Սարգսյանը Հայաստանի հանրապետության քաղաքացիների հետ կապ չունեցող, Սերժենց հանցավոր խմբի կողմից նշանակված գործիչ է, ոչ ավելին։

Սեյրան Սարոյան, ՀՀԿ-ական պատգամավոր

Սեյրան Սարոյան, ՀՀԿ-ական պատգամավոր

Հենց սկզբից չփնովենք ու այնպես չանենք, որ հավես չունենա, նույնիսկ տնից դուրս գա, գնա գործի։ Սաղ ազգով պիտի «պադերժկա» անենք:

Արամ Կարապետյան, «Նոր ժամանակներ» կուսակցության նախագահ

Արամ Կարապետյան, «Նոր ժամանակներ» կուսակցության նախագահ

Մարդուն պաշտոնի նշանակումն ընտրություն մի ասեք, մեղք է: Ցուցակում մի ազգանուն, ի՞նչ ընտրություն:

| | |
20151 | 1