Երբ են պատրաստել առաջին շոկոլադը
Շոկոլադն առաջին անգամ պատրաստել են Կենտրոնական Ամերիկայում՝ 4000 տարի առաջ: Այս մասին է վկայում կակաո հատիկների մշակման մասին ամենավաղ արձանագրությունը: Կակաոյի ծառի հայրենիքը Հյուսիսային և Հարավային Ամերիկաների արևադարձային գոտին է: Ամենայն հավանականությամբ` առաջին անգամ շոկոլադ սկսել է պատրաստել հնդկացիական օլմեկի ցեղը: Ավելի ուշ այն սկսել են օգտագործել մայաներն ու ացտեկները: Շոկոլադի պատմությունը Հնդացիական շոկոլադը նման չի եղել այսօրվա շոկոլադին: Այն հեղուկ է եղել ու կծու, որովհետև նրան ավելացրել են համեմունքներ, որոնց բաղադրության մեջ եղել է նաև պղպեղ: Շոկոլադի պատմությունը Նվաճումներ իրականացնելուց հետո եվրոպացիները փորձարկել են այս շոկոլադը, և այն տարածում է գտել Հին աշխարհում: Ճիշտ է, երոպացիները բաղադրատոմսը փոփոխության են ենթարկել, հանել են պղպեղն ու այն փոխարինել շաքարով: Բոված կակաո հատիկներն ու համեմունքները խառնել են ու տաքացրել մինչև կակաո-յուղի հալվելը: Խառնուրդը սառեցրել են, ստացվել է կակո-մածուկ՝ հեղուկ տաք շոկոլադի հումք: Մածուկը եղել է արտաքինից ոչ ախորժելի, փշրվող և չոր տեսքով այն հաջողություն չի ունեցել: Սակայն 19-րդ դարի առաջին կեսին կակաոյից սկսել են առանձնացնել յուղը, ստացված փոշին ունեցել է քիչ յուղայնություն, բայց պահպանել է համի նրբությունը: Ավելի ուշ պարզել են, որ առանձնացված կակաո-յուղը դարձյալ կակաոյի փոշու հետ խառնելուց հետո նրա մասնիկները միաձուլվում են. ստացվել է պինդ շոկոլադ: Շոկոլադի պատմությունը Շոկոլադի առաջին լայնամասշտաբ արտադրությունն սկսել է բրիտանական «Ֆրայ և որդիներ» ընկերությունը 1847 թվականին: Շոկոլադի պատմությունը |