Թուրքիայի նախագահ Էրդողանն Անկարայում ՌԴ դեսպանի սպանությունից հետո դեպքի մասին հեռախոսով զեկուցել է ՌԴ նախագահ Վլադիմիր Պուտինին: Նա կատարվածը որակել է որպես պրովոկացիա: Այս մասին հայտնում է թուրքական Anadolu գործակալությունը: «Ակարայում Ռուսաստանի դեսպանի վրա կատարված հարձակումը հարձակում է Թուրքիայի պետության ու ժողովրդի վրա: Սա բացահայտ պրովոկացիա է ռուս-թուրքական հարաբերությունների հանդեպ: Վստահ եմ, որ այս փաստը կգիտակցեն նաև մեր ռուս բարեկամները»,- Anadolu-ին մեկնաբանել է Էրդողանը:
Պուտինն էլ, իր հերթին, նույնպես կիրառել է «պրովոկացիա» եզրույթը` վստահեցնելով, որ ահաբեկիչներն իրենց մաշկի վրա կզգան իրենց հանդեպ պայքարի խստացումը և հրահանգել է ուժեղացնել արտասահմանում գտնվող ՌԴ դիվանագետների անվտանգությունը:
Հիշեցնենք, որ երեկ Անկարայում սպանվել է ՌԴ դեսպանը: