Թուրքիայի դատախազությունն Ստամբուլի համալսարանի 87 աշխատակցի ձերբակալելու լիազորություն է ստացել: Ձերբակալությունները կապված են Ֆեթուլլահ Գյուլենի գործի քննության հետ, ում Անկարան մեղադրում է հուլիսյան հեղաշրջման անհաջող փորձի կազմակերպման համար: Այս մասին հաղորդում է Anadolu գործակալությունը:
Նշվում է, որ ոստիկանությունը հետախուզումներ է անցկացնում երկրի 12 նահանգներում կասկածյալներին ձերբակալելու համար, որոնց թվում կան նաև համալսարանի պրոֆեսորներ և դոցենտներ:
Հիշեցնենք, որ հեղաշրջման փորձի ժամանակ Թուրքիայում զոհվել է ավելի քան 240 մարդ, ավելի քան 2 հազար մարդ վիրավորվել է: