Թայլանդում ջրհեղեղի հետևանքով առնվազն 14 մարդ է զոհվել
13:20, երեքշաբթի, 06 դեկտեմբերի, 2016 թ.
Թայլանդի հարավային նահանգներում ջրհեղեղների հետևանքով առնվազն 14 մարդ է զոհվել: 3 մարդ համարվում են անհետ կորած: Ջրհեղեղներն առաջացել են արդեն ավելի քան 1 շաբաթ չդադարող հորդառատ անձրևների հետևանքով: Այն վնաս է հասցրել ավելի քան 582 հազար մարդու: Հարավային 11 նահանգ աղետի գոտի է համարվում: Ջրհեղեղի հետևանքով խաթարվել է հարավային նահանգների երկաթգծային հաղորդակցումը: Փակվել են դպրոցները: