Խնդրում ենք սպասել...

Միջազգային

ԱՄՆ-ը քննադատության է ենթարկել Ռուսաստանի և Աբխազիայի համատեղ զինված ուժերի ստեղծումը

17:15, չորեքշաբթի, 23 նոյեմբերի, 2016 թ.
ԱՄՆ-ը քննադատության է ենթարկել Ռուսաստանի և Աբխազիայի համատեղ զինված ուժերի ստեղծումը

ԱՄՆ Պետդեպարտամենտը քննադատության է ենթարկել Ռուսաստանի և Աբխազիայի համատեղ զինված ուժերի ստեղծումը: Ամերիկյան դիվանագիտական տեսչության հայտարարության մեջ ասվում է, որ համաձայնագիրն անվավեր է և չի համապատասխանում միջազգային իրավունքին:
     Վաշինգթոնը հանդես եկավ այս հայտարարությամբ նոյեմբերի 22-ին, անմիջապես հաջորդ օրն այն բանից հետո, երբ ՌԴ նախագահ Վլադիմիր Պուտինը հավանության արժանացրեց համաձայնագիրը:
     Աբխազիան Վրաստանից իր անկախության մասին հայտարարեց 1990-ականների սկզբին կարճ քաղաքացիական պատերազմից հետո: Աբխազիայի ինքնավարությունն ուժեղացավ 2008-ին Ռուսաստանի Վրաստան ներխուժումից հետո:
     Ավելի ուշ Մոսկվան ընդունեց Աբխազիայի անկախությունը, սակայն ՄԱԿ-ի անդամների գերակշռող մասը հրաժարվեց դա ընդունել:

3754 | 0
Facebook