Ղրղզստանի նախագահ Ալմազբեկ Աթամբաևն Ստամբուլի Աթաթուրքի անվան միջազգային օդանավակայանում` դեպի Նյու Յորք չվերթին պատրաստվելիս իրեն վատ է զգացել: Այս մասին հայտնել է թուրքական «Միլլիյեթ» թերթը: Ավելի վաղ Lenta-ն հայտնել էր, որ Աթամբաևը սրտի հետ կապված խնդիրնե է ունեցել:
Նշվում է, որ ՄԱԿ-ի Գլխավոր ասամբլեայի նիստին մասնակցելու նպատակով Ստամբուլ-Նյու Յորք չվերթով ԱՄՆ մեկնել պատրաստվող նախագահը հանկարծակի սրտի հատվածում սուր ցավեր է զգացել, ինչից հետո բժիշկները խորհուրդ են տվել նրան շտապ հետազոտվել և չեղյալ համարել Նյու Յորք թռիչքը։
Աթամբաևը որոշ ժամանակ կմնա Թուրքիայում` բժիշկների հսկողության տակ: