Դանիայի Ֆյուն կղզու Աունսլև բնակավայրի մոտակայքում սիրողական հնագետը մետաղորսիչով հայտնաբերել է ոսկե խաչ, որը կարող է Դանիայի տարածքում խաչելության՝ երբևէ հայտնաբերված հնագույն պատկերը լինել: Մասնագետները վիկինգների խաչը թվագրել են 10-րդ դարի առաջին կեսով:
Խաչի բարձրությունը հասնում է 4,1 սմ-ի, քաշը՝ 13,2 գրամի:
Խաչի դիմերեսին մարդու կերպար է՝ կողքերի պարզված ձեռքերով: Դարձերեսը հարթ է: Արտեֆակտն, ամենայն հավանականությամբ, պատկանել է կնոջ:
Հնագետները դեռևս դժվարանում են նշել՝ արդյոք գտածոն եղել է քրիստոնեական խորհրդանիշ, թե հեթանոսական: