Իրանի հանդեպ պատժամիջոցների չեղարկումն ուժի մեջ է մտել. Ռոհանիի արձագանքը
10:33, կիրակի, 17 հունվարի, 2016 թ.
ԵՄ-ը և ԱՄՆ-ը չեղարկել են Իրանի հանդեպ ֆինանսական և տնտեսական պատժամիջոցներն՝ իրանյան միջուկային խնդրի վերաբերյալ բոլոր պահանջներն իրագործելուց հետո: Որոշումն արդեն ուժի մեջ է մտել: Այս տվյալները հաստատել է նաև ԱՄՆ պետքարտուղար Ջոն Քերին՝ ասելով, որ այս ուղղությամբ Իրանը շատ բան է արել, սակայն դեռ վերջնական արդյունքի հասնելու համար տարիների աշխատանք է պետք և ԱՄՆ-ն ուշի ուշով կհետևի Իրանի քայլերին: Բացի այդ, ԵՄ արտաքին քաղաքականության և պաշտպանության հարցերով գերագույն հանձնակատար Ֆեդերիկա Մոգերինին Վիենայի բանակցությունների արդյունքների մասին ասուլիսի ժամանակ հայտարարել էր, որ Իրանի միջուկային ծրագրի շուրջ ՄԱԿ ԱԽ և ԵՄ անդամ այլ պետությունների առանձին պատժամիջոցները դադարեցվում են: Իրանի նախագահ Հասան Ռուհանին սա համարել է «Իրանի ժողովրդի փառավոր հաղթանակը»:
#ImplementationDay--I thank God for this blessing & bow to the greatness of the patient nation of Iran. Congrats on this glorious victory!