Իրաքի հյուսիսում հայտնաբերվել է եզդիների եղբայրական գերեզման, որոնց, ամենայն հավանականությամբ, սպանել են «Իսլամական պետություն» ահաբեկչական խմբավորման ահաբեկիչները:
Իշխանությունների տվյալներով՝ գերեզմանը հայտնաբերվել է Սինջար քաղաքի տարածքում, այնտեղ կա առնվազն 110 մարմին՝ մեծ մասը տարեց կանայք: Մարմինները թաղված են մակերեսային և անձրևները բացել են դրանցից մի քանիսը:
Սինջարն իրաքյան զինված ուժերի կողմից ազատագրելուց հետո սա եզդիների արդեն 6-րդ եղբայրակայն գերեզմանն է, որ հայտնաբերվել է:
Սինջարում, որն ահաբեկիչների ձեռքն էր անցել անցյալ տարի, ապրում են գերազանցապես եզդիներ, որոնց գրոհայինները համարում են հերետիկոսներ: Եզդիների մեծ մասն այս տարածաշրջանում սպանված է կամ ստրկացված: