Իրաքի իշխանությունները նախօրեին հայտարարել են, որ երկրի զինված ուժերը համագործակցում են Բաղդադում Ռուսաստանի, Իրանի ու Սիրիայի հետախուզական և անվտանգության ծառայությունների հետ, որպեսզի պայքարեն «Իսլամական պետություն»-ից բխող ահաբեկչական սպառնալիքների դեմ:
Համատեղ գործողությունների հարցով Իրաքի ռազմական հրամանատարության հայտարարության մեջ ասվում է, որ այդ համաձայնությունը ձեռք է բերվել Ռուսաստանի մտավախությունների ֆոնին, առ այն, որ իսլամիստների ղեկավար շարքերում հազարավոր ռուսներ կան, հայտնում է «ԲիԲիՍի»-ն:
«Ինտերֆաքս»-ն էլ հաղորդում է, որ Ռուսաստանը, Սիրիան, Իրաքը և Իրանը Բաղդադում տեղեկատվական համատեղ կենտրոն են ստեղծել` «Իսլամական պետության» դեմ պայքարի համակարգման համար: