Ռինդի բացառիկ եկեղեցին` ամբողջովին փորված ժայռի մեջ
22:06, կիրակի, 22 դեկտեմբերի, 2024 թ.
 Ռինդի վիմափոր եկեղեցին գտնվում է Վայոց ձորի մարզի Ռինդ գյուղից 4 կմ հեռավորության վրա` Քարկատարի լեռների լանջերին: Եկեղեցու կառուցման ստույգ թվականը հայտնի չէ, սակայն, ենթադրաբար, այն կառուցվել է 13-14-րդ դարերում:  Ռինդի բացառիկ եկեղեցին` ամբողջովին փորված ժայռի մեջ Եկեղեցին ժայռափոր է, գտնվում է դժվարամատչելի բարձունքի վրա։ Հավանական է, որ առաստաղը պատված է եղել որմնանկարներով։ Կառույցի հատակագիծը կլոր է, որի տրամագիծը մոտ 8 մետր է, բարձրությունը՝ 10 մետր։ Եկեղեցու դուռը արևմտյան կողմից է, որից վերև եղել են մեկ փոքր և երկու մեծ լուսամուտներ։ Խորանի ու նրան հարող պատերի ստորին մասը քայքայված է, բայց ներքևի հատվածում երևում են ժայռի մեջ փորված պահոց-խորշերի վերին մասերը: Ռինդի բացառիկ եկեղեցին` ամբողջովին փորված ժայռի մեջ Ժայռազանգվածի հարավային հատվածում կան մի քանի փորված սրահներ, որոնց ճանապարհները քայքայված են և հնարավոր չէ հասնել այնտեղ առանց տեխնիկական միջոցների։ Սրահների պատերին կան քանդակված խաչեր։  Ռինդի բացառիկ եկեղեցին` ամբողջովին փորված ժայռի մեջ Եկեղեցուց մի քանի տասնյակ մետր արևելք կան խաչքարեր և խաչքարերի պատվանդաններ։ Վերջերս մշակվել են դեպի եկեղեցի տանող տուրիստական արահետներ, ինչն ավելի է դյուրացնում ուխտավորների ճանապարհը դեպի դժվարամատչելի վայրում կառուցված այս բացառիկ հուշարձանը:  Ռինդի բացառիկ եկեղեցին` ամբողջովին փորված ժայռի մեջ |
2983 | 0
