Գերմանիայի Մագդեբուրգ քաղաքում ուրբաթ երեկոյան մեքենան մխրճվել է մարդկանց մեջ: Դեպքը տեղի է ունեցել քաղաքի կենտրոնում սուրբծննդյան տոնավաճառում, հայտնում են տեղական լրատվամիջոցները:
Մեքենան մեծ արագությամբ մխրճվել է մարդկանց ամբոխի մեջ։
Հաղորդվում է, որ միջադեպի հետևանքով զոհվել է առնվազն 1 մարդ, ևս 60-ը վիրավորվել են: Տեղական NTV հեռուստաալիքը պնդում է, որ մեքենան վարողը վարորդը ձերբակալվել է, նա 50-ամյա բժիշկ է` Սաուդյան Արաբիայից։ Ձերբակալված տղամարդը 2006 թվականից ապրում էր Գերմանիայում և փախստականի կարգավիճակ է ստացել 2016 թվականին: Նա մեքենան վարձել է հարձակումից քիչ առաջ։
Նահանգի ղեկավարությունն արդեն իսկ տեղի ունեցածը որակել է` որպես ահաբեկչություն:
