Միջազգային

Ջո Բայդենի նախագահության վերջին օրերին ԱՄՆ-ն «պատմական փորձ» է անում ավելացնել զենքի մատակարարումներն Ուկրաինային։ Այս մասին CNN-ին տված մեկնաբանությունում ասել է Սպիտակ տան բարձրաստիճան պաշտոնյան։
     «Պաշտպանության նախարարությունը «պատմական ջանքեր» է գործադրում առաջիկա հինգ շաբաթվա ընթացքում Ուկրաինա հսկայական քանակությամբ զենք տեղափոխելու համար:
     Այսօրվանից սկսած մինչև հունվարի կեսերը մենք Ուկրաինային կմատակարարենք հարյուր հազարավոր հրետանային արկեր, հազարավոր հրթիռներ, զրահատեխնիկայի հարյուրավոր միավորներ և այլ կարևոր սպառազինություն»,- ասել է Բայդենի վարչակազմի պաշտոնյան։
     Զենքի մատակարարման հարցերով գործակալությունների համակարգումը գլխավորում է Բայդենի ազգային անվտանգության հարցերով խորհրդական Ջեյք Սալիվանը։
     Միևնույն ժամանակ, հրատարակության զրուցակիցը նշում է, որ Ուկրաինայի ամենամեծ խնդիրը ոչ թե զենքի պաշարներն են, այլ կենդանի ուժը։ Սպիտակ տունը կենտրոնացած է «կադրային խնդիրների լուծման» վրա։