Հետաքրքիր է

Քաղաքական մեկնաբան Դերենիկ Մալխասյանը ֆեյսբուքյան «Ալեքսանդրապոլ․Լենինական․Գյումրի» խմբում գրել է․ «Ուշագրավ օրինաչափություն, Գյումրու մայր տաճարի՝ Սբ Ամենափրկչի վրա 3 անգամ խաչ տեղադրվել է 50 տարին մեկ պարբերականությամբ:
     1913 թ-ի լուսանկարում պատկերված է Ամենափրկչի գմբեթին խաչի տեղադրման արարողությունը: Քաղաքի վրայով անցած պատմական փոթորիկներից հետո, ԽՍՀՄ տարիներին Ամենափրկչի վերանորոգումից հետո զանգակատան գմբեթին խաչը տեղադրվում է 1964թ-ին:
     1988թ-ի ավերիչ երկրաշարժի արդյունքում խոնհարվելուց ու վերականգնվելուց հետո Ամենափրկչի մեծ գմբեթին խաչը բարձրացվում է 2014թ-ին, իսկ դրանից 10 տարի անց տեղի ունեցավ եկեղեցու վերաօծման արարողությունը»: