Համացանց

«ՀայաՔվե»-ի ֆեյսբուքյան գրառումը. «ՔՊ-ի հետ ամեն ինչ պարզ է, նրանք Թուրքիայի օրակարգին ծառայող վարձկաններ են, պատրաստ են ցանկացած հակապետական ակտ վավերացնելու։
     Բացի Փաշինյանից` փոխվարչապետ Մհեր Գրիգորյանը ևս հրաշալի գիտի, որ իշխանափոխության դեպքում դատարանի առաջ է կանգնելու՝ սահմանադրական կարգը խախտելու համար, ընդ որում` Փաշինյանը հատուկ է շինծու «սահմանազատման» բեռը դրել նրա ուսերին, նա էլ, հրաշալի հասկանալով, որ հանցանք է գործել, առանց որևէ իրավական հիմքի Ադրբեջանին հայապատկան տարածքներ է հանձնել։
     Եթե վարչախումբը պնդում է, որ այդ իրավական հիմքը կա, թող ներկայացնի դատարանում, նաև նշի, թե երբ և ինչ փաստաթղթով է այդ իրավական հիմքը վավերացվել Հայաստանի և Ադրբեջանի Հանրապետությունների կողմից։
     Սրա հիմքում այն կրավորականությունն ու պարտվողականությունն է, որն այս վարչախմբի ամբողջ գործունեության նշանաբանն է»։