Ռուսաստանի պաշտպանության նախարարությունը հայտնել է, որ ռուս զինվորականները գրավել են Ուկրաինայի Դոնեցկի մարզի Պոկրովսկի շրջանի Կուրախովկա գյուղը։
ՌԴ պաշտպանության գերատեսչության հայտարարության մեջ ասվում է, որ «հարձակողական գործողությունների արդյունքում» գյուղը գրավվել է Կենտրոնական զորքերի խմբի ստորաբաժանումների կողմից։ Ուկրաինայի զինված ուժերի գլխավոր շտաբը չի մեկնաբանել ռուսական կողմի տեղեկությունը։ Նոյեմբերի 2-ի առավոտյան Գլխավոր շտաբի հրապարակած զեկույցում ասվում է, որ «առավել լարված իրավիճակը» պահպանվել է Կուրախովկայի ուղղությամբ, մինչդեռ Կուրախովկայի շրջանում հարձակումներ չեն գրանցվել։
Ուկրաինայի պաշտպանության նախարարությանը մոտ գտնվող DeepState ուկրաինական OSINT նախագիծն իր քարտեզի վրա նշել է, որ նոյեմբերի 1-ի դրությամբ Կուրախովկան մասնակիորեն օկուպացվել է ռուսական զորքերի կողմից։