Հայտնել էինք, որ Սամվել Բաբայանի աջակիցներն ակցիա են իրականացնում Արցախի ներկայացուցչության դիմաց։ Կազմակերպիչ արցախցի Յուրի Մուսայելյանի խոսքով՝ Բաբայանը միակ ողջ հերոսն է, ով իր գաղափարներով կկարողանա լուծել արցախցիների սոցիալ-տնտեսական խնդիրները և Բաքվի բանտից վերադարձնել Արցախի ռազմաքաղաքական էլիտայի ներկայացուցիչներին․ «Թող Շահրամանյանը և պատգամավորները լիազորություն տան Բաբայանին, ստեղծեն կոմիտե, թույլ տան էդ մարդուն իր ծրագրերն իրականացնի։ Էդ մարդն ունակ է մեր գերիներին վերադարձնի։ Ուզում եմ, որ մեր հերոսի ասած խոսքերը՝ սկսած բնակարանային ապահովման հարցերից, ընդունվեն և կատարվեն։ Ասում են չէ՞, որ Բաբայանը քիրվայություն է անում Ադրբեջանի հետ, ընդունենք այդպես է, եթե Սամվել Բաբայանը քիրվա է, ուրեմն ձեզ քիրվա է պետք, որ ձեր գերիները տուն գան։ Թող ստեղծեն Բաբայանի առաջարկած կոմիտեն, մանդատ տան էդ մարդուն, ինքն էլ կկարողանա գերիներին վերադարձնի»,- ասաց Մուսայելյանը՝ նշելով, որ Սամվել Բաբայանը տեղյակ չէ այս ակցիայից, սա իր անձնական նախաձեռնությունն է։
