Համացանց

Լրագրող Ոսկան Սարգսյանի գրառումը․ «Ադրբեջանի ռազմական արդյունաբերությունը արտադրում է ամենագնաց ավտոմեքենաներ, որոնց վրա տեղադրված լազերային հրանոթները ոչնչացնում են հակառակորդի անօդաչու թռչող սարքերը, արձակած արկերը,զինտեխնիկան։ Բացի սեփական ռազմարդյունաբերությունը զարգացնելուց, Ադրբեջանը նորագույն զենքեր է գնում Ռուսաստանից, Իսրայելից, Թուրքիայից, Իտալիայից, Պակիստանից, այլ երկրներից։ Ո՞ւմ դեմ է զինվում Ադրբեջանը, պարզ է՝ Հայաստանի։ Ադրբեջանը շարունակում է նորագույն զենքերով զինվել, իսկ Հայաստանին պարտադրում է ապառազմականացվել, նոր զենքեր չգնել։ Նիկոլ Փաշինյանն էլ շարունակում է Հայաստանի ժողովրդին խաբել Ադրբեջանի հետ նախատեսվող խաղաղության կիսատ-պռատ պայմանագրով, որն իբր Հայաստանին անվտանգության երաշխիքներ է տալու։ Ցեղասպանություն վերապրած հայ ազգն այսքան միամիտ չպիտի լիներ»։