Իրադարձություններ

ԱԺ «Պատիվ ունեմ» խմբակցության պատգամավոր Հայկ Մամիջանյանն ապատեղեկատվություն է անվանել քիչ առաջ Անդրանիկ Քոչարյանի արտահայտած միտքը, ըստ որի՝ «եթե ժամանակին Հայաստանի նախկին իշխանություններն անհանգստացած լինեին, 44-օրյայի ժամանակ մեր պահեստները կլինեին լիքը»։
     «Հնչեցնեմ տվյալներ, որոնք երբևէ չեն հնչել։ Նիկոլ Փաշինյանն իշխանության գալով փոխեց ՀՀ սպառազինության գնման պլանը և գնեց իր սելֆի Սու-երը։ Ըստ մեր թողած սպառազինության գնման պլանի, դա նշանակում է, որ պատրաստ էին պայմանագրերը և գումարն էլ կար, նախատեսված էր գնել շուրջ 2500 ԱԹՍ, որի կեսը պետք է հասներ ՀՀ մինչև 2020 թվականը։ Փոխարենը գնեց սելֆի Սու-եր, որոնք չօգտագործվեցին։ Թող մի հատ էլ դրա համար ներողություն խնդրի։ Թող ներողություն խնդրի, որ հոկտեմբերին զինադադար չի կնքել։ Թող ներողություն խնդրի լույս տղերքին զոհելու համար»,- ասաց Մամիջանյանը։ «ՀՀ ԶՈՒ-ն սպառազինության որևէ խնդիր չի ունեցել 44-օրյայի ընթացքում և դա եղել է մեր թողած, ձեռք բերած ու անվճար ստացած սպառազինության հաշվին»,- հավելեց նա։