Համացանց

Երևանի մամուլի ակումբի նախագահ Բորիս Նավասարդյանի ֆեյսբուքյան գրառումը. «Արդեն առիթ եմ ունեցել նախկինում (վերջին 2-3 տարիների ընթացքում) համոզմունքս հայտնել, որ տեղական ինքնակառավարումը` որպես ինստիտուտ, չհասցնելով Հայաստանում իրապես կայանալ, այլևս դիակ է։ Սակայն համակարգը, շարունակելով զգուշավորություն ցուցաբերել դիակի հնարավոր վերակենդանացման նկատմամբ, շարունակում հարվածներ հասցնել դրան։ Բոլոր քաղաքական կոնյուկտուրային տարբերություններով հանդերձ ամենաթարմ նախադեպերը, կապված Առուշ Առուշանյանի և Գրիգոր Երիցյանի հետ (միայն առավել հայտնի անուններ եմ մեջբերում, թեև միտումը բավականին լայն շրջանակ է ներառում), առանձնահատուկ ագրեսիվ «նեկրոֆոբիայի» հերթական դրսևորումներ են»: