Իրադարձություններ

Իսրայելցի ուսումնասիրողները հայտարարել են բացառիկ գտածոյի մասին, որը համարվում է գոյություն ունեցող հյուսկեն զամբյուղներից ամենահինը: Ըստ մասնագետների` զամբյուղը հյուսվել է մոտ 10500 տարի առաջ:
     Այս և մի շարք այլ հետաքրքիր գտածոներ հայտնաբերվել են հնագիտական մեծածավալ աշխատանքների ժամանակ, որոնց ընթացքում գտնվել են նաև մեծ քանակության հնադարյան իրեր, այդ թվում Աստվածաշնչյան ձեռագրերի պատառիկներ, դրամներ և մոտ 6000 տարվա ոսկորներ: Զամբյուղը հայտնաբերվել է հրեական անապատում և, շնորհիվ չորային կլիմայի, լավ է պահպանվել: Պեղումները ղեկավարող դոկտոր Խայամ Կոենը գտածոն անվանել է «ամենաուշագրավը» իր գործունեության ընթացքում:
     92 լիտր տարողությամբ զամբյուղը թեև դատարկ է եղել, բայց փակված է եղել կափարիչով, ինչը ուսումնասիրողնորի մոտ մի շարք հարցեր է առաջացրել այն հարցի շուրջ, թե ի՞նչ է պահվել նրա մեջ: