Իրադարձություններ

«Այս քիբերհարձակման բոլոր դեպքերը եղել են ռուսերենով ու առանց ակցենտի». Սամվել Հայրապետյան

21:18, երկուշաբթի, 12 օգոստոսի, 2024 թ.

Ծրագրավորող Սամվել Հայրապետյանի ֆեյսբուքյան գրառումը. «Հայերս, վերջին շրջանում ինչ-որ իձիոտներ զանգում են մեր հայրենակիցներին ու հեռախոսով ահաբեկում` ասելով, որ իրենց հարազատն ավտովթարից զոհվել է, կամ գտնվում է հիվանդանոցում կամ էլ նմանատիպ ինչ-որ վատ դեպք են նկարագրում
     Էդ իձիոտները զանգելուց առաջ հեռախոսի համարի սեփականատիրոջ մասին տարբեր ինֆոներ են որոնում, որպեսզի էլ ավելի համոզիչ թվան։ Սա իր տեսակով համարվում է քիբերհարձակում։ Բոլոր դեպքերը (որոնք որ ինձ հայտնի են) եղել են ռուսերենով ու առանց ակցենտի։ Թե ինչպես են հեռախոսահամարով ինֆորմացիա ստանում կարծում եմ, որ էդ հարցը վաղուց աբսուրդի ժանրից է՝ մեր հայրենակիցների մեծ մասն ահավոր սիրում է իրենց սոցիալական էջերում մինչև 7 պորտ և ավելի ինֆոներ տեղադրել, դե իսկ անձնական տվյալները բաց-բրախած գրել
     *Ի՞նչ անել տվյալ դեպքում
     Հնարավորության դեպքում ձայնագրել հեռախոսազրույցը, չտրվել էմոցիաներին, համարը ֆիքսել, զանգել ձեր բարեկամին և համոզվել, որ ամեն բան կարգին է և դիմել ոստիկանություն, գրել դիմում, ներկայացնել հեռախոսահամարն ու ձայնագրությունը
     *Նպատակը
     Դեռևս տուժածներից ոչ մեկից գումար կամ այլ բան չեն պահաջնել, հետևաբար, ներկա պահին մնում է միայն ենթադրել, որ նպատակը քիբեր ահաբեկչությունն է
     *Պե՞տք է անհանգստանալ
     Մենք ապրում ենք 21-րդ դարում և դուք ցանկացած պահի կարող եք զանգել ձեր հարազատին և ճշտել նրա որպիսությունը, եթե ձեր հարազատը չի պատասխանում ձեր զանգին, ապա պետք է զանգահարել այն մարդուն, ով գտնվում է մաքսիմալ մոտ։ Հավատացեք, որ սենց պահերին պետք է լինել ՄԱՔՍԻՄԱԼ սառնասիրտ, չտրվել էմոցիաներին և գործել սառը գլխով
     Հ. Գ. Այս գրառումը հնարավորինս տարածեք և տեղեկացրեք ԲՈԼՈՐԻՆ»:

Աղբյուրը` Սամվել Հայրապետյան

Բոլոր գրառումները (51)

2665 | 0

awesome comments

Facebook