Միջազգային

Կուրսկի շրջանի բնակիչները հարազատներին են փնտրում այն ​​բնակավայրերում, որոնք գտնվում են ուկրաինական զորքերի և ռուսական բանակի մարտերի գոտում։ Առնվազն 200 մարդ կապվել է Lisa Alert որոնողական թիմի հետ, «ՎԿոնտակտե» սոցիալական ցանցում անհայտ կորած հարազատների մասին այլ հայտարարություններ են հայտնվել, գրում է գործակալությունը։

«Մենք պատրաստ չենք ստույգ թիվ տալ, քանի որ դեռևս վիճակագրություն չկա, բայց մենք վստահորեն մոտեցել ենք վերջին երկու-երեք օրվա ընթացքում 200 հարցումների թվին»,- ասել է կազմակերպության տարածաշրջանային մասնաճյուղի մամուլի քարտուղար Օլեսյա Պարտալյուկը։

Ուկրաինայի զինված ուժերը Կուրսկի շրջանում սկսել են առաջխաղացումը օգոստոսի 6-ի առավոտյան։ Ընդամենը մի քանի օրվա մարտերի ընթացքում ուկրաինական բանակը վերահսկողության տակ է վերցրել առնվազն 20 բնակավայր և Սուջայի գազաչափ կայանը, որով ռուսական գազը մղվում է Եվրոպա։ Տասնյակ ռուս զինվորականներ, այդ թվում՝ ժամկետային զինծառայողներ, գերեվարվել են։