Թերթերի տեսություն

«Ժողովուրդ» օրաթերթը գրում է․ «ՔՊ-ականները որոշել են ամառային հանգիստը համատեղել կուսակցական աշխատանքի հետ, ու թեև ԱԺ հերթական՝ 2026 թվականի ընտրություններին դեռ մոտավորապես երկու տարի կա, բայց արդեն սկսել են նախընտրական քարոզարշավը:
     Իշխանական պատգամավորների սոցիալական ցանցերի էջերում նկատել է, որ նրանք ևս Նիկոլ Փաշինյանից հետ չեն մնում ու այս շրջանում ակտիվորեն մարզեր են այցելում, հանդիպում բնակիչների հետ, դպրոցներ գնում ու ծանոթանում այնտեղ արվող աշխատանքներին:
     Հետաքրքրվել ենք ԱԺ պատգամավոր Հովիկ Աղազարյանից՝ արդյոք ՔՊ-ն արդեն պատրաստվում է 2026թ-ի հերթական ընտրություններին.

«Իհարկե, պատգամավորներն իրենց հերթին, կառավարությունն իր հերթին. յուրաքանչյուր քայլ միտված է, որ մենք ժողովրդի առջեւ ներկայանանք հաշվետվությամբ, ու դա ընդունվի։ Մարզեր այցերն էլ քարոզարշավի մի մասն են։
     Կուսակցական շինարարության կոնտեքստում այնպես է ստացվել, որ մենք պետք է մարզերում ներկայանանք, որպեսզի կուսակցական մեր ընկերները և մեր ժողովուրդը ճանաչի մեզ ու գնահատական տա մեր գործողությանը»»:

Մանրամասները՝ թերթի համարում: