Խնդրում ենք սպասել...
Այսօր`  չորեքշաբթի, 24 հուլիսի, 2024 թ.

Համացանց

«Որքան մեծ է մարդու ներքին բարոյականությունը, այնքան մեծ է նրա մեղքի զգացումը». Ռուբեն Մելիքյան

17:30, շաբաթ, 22 հունիսի, 2024 թ.
«Որքան մեծ է մարդու ներքին բարոյականությունը, այնքան մեծ է նրա մեղքի զգացումը». Ռուբեն Մելիքյան

Փաստաբան Ռուբեն Մելիքյանի գրառումը. «Ճանաչում եմ շատ ու շատ նորմալ մարդկանց, որոնք 18-ին թեկուզ մի գրամ դերակատարում են ունեցել Հայաստանում չարիքի իշխանության հաստատման գործում։
     Դիտարկումս հետևյալն է. որքան մեծ է մարդու ներքին բարոյականությունը, այնքան մեծ է նրա մեղքի զգացումն ու այնքան մեծ է նրա կամքն ու ջանքը՝ ուղղելու իր սխալը, հեռացնելու չարիքի իշխանությունը։
     Իրավաբանների համար հանցանքը, մեղքը, մի տեսակ, մաթեմատիկական հավասարման պես մի բան է ընկալվում։ Փաստվե՞ց հանցանքը։ Ուրեմն կարձանագրվի և պատիժը, այն կիրագործվի, պարտքը կմարվի և վերջ։ Կանցնենք առաջ։
     Իրականում հանցանքի գաղափարը, իրական հանցանքի գաղափարն ավելի շատ նման է մի չափ փոքր կոշիկի։ Այն հենց քե՛զ է ցավացնում, և ուզում ես հանես՝ դեն նետես, բայց չես կարող։ Ու իրական «պատիժը» հենց այն է, ինչը թույլ է տալիս վերջապես հանել ու դեն նետել։ Չկա՞ պատիժ, ուրեմն անընդհատ կմնաս ցավերի մեջ։ Կմնաս «լացի ու ատամների կրճտոցի» մեջ։
     Ու այդ ցավերին շատերը չեն դիմանում։ Որքան ավելի բարոյական է մարդը, այնքան ավելի դժվար է դիմանալը։
     Չգիտեմ էլ՝ ինչ կարելի է խորհուրդ տալ այդ մարդկանց։ Երևի միակ քիչ թե շատ գործուն խորհուրդը հոգևորականի հետ խոսելն է, մեղքերի թողություն հայցելն է, ապաշխարության «ծրագիր» կազմելն ու այն իրագործելն է»։

1584 | 0
Facebook