Խնդրում ենք սպասել...
Այսօր`  երկուշաբթի, 24 հունիսի, 2024 թ.

Համացանց

«Արդեն մատնանշում են հենց Ադրբեջանի և Իսրայելի միջամտությունը». Նաիրի Հոխիկյան

04:06, երեքշաբթի, 21 մայիսի, 2024 թ.
«Արդեն մատնանշում են հենց Ադրբեջանի և Իսրայելի միջամտությունը». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Իրանի նախագահը, ԱԳ նախարարը և մի շարք այլ բարձրաստիճան պաշտոնյաներ զոհվել են Ադրբեջանի հսկողության տակ անցած Արցախի գրավյալ տարածքներից վերադառնալիս ուղղաթիռի վթարի հետևանքով։
     Իրանական փորձագիտական դաշտը և քաղաքական գործիչներն արդեն մատնանշում են հենց Ադրբեջանի և Իսրայելի միջամտությունը։
     Իսրայելը շտապել է հերքել իր հնարավոր մասնակցությունը Իրանի նախագահի ուղղաթիռի կործանմանը, իսկ Ադրբեջանի նախագահը պարբերաբար «եղբայր» է անվանում Իրանի նախագահին։
     Պաշտոնապես նախնական նշվում է վատ եղանակը` որպես ուղղաթիռի վթարի պատճառ։ Բայց դեռ մասնագետները չեն ուսումնասիրել կործանման վայրը և չեն նշել բուն պատճառը։
     Ադրբեջանում անվտանգության խորհրդի հրատապ փակ նիստ է հրավիրվել։
     Հիշեցնեմ, որ Արցախի հարավում 2020-ի տարեվերջից տեղակայվել են Իսրայելի հատուկ ծառայությունների ստորաբաժանումներ, որոնք հետախուզական աշխատանքներ են կատարում Իրանի սահմանին։
     Իրանի նախագահի ուղղաթիռը անցել է այն տարածքով, որտեղ տեղակայված են Իսրայելի հատուկ ծառայությունների ստորաբաժանումները»:

Աղբյուրը` Նաիրի Հոխիկյան
5723 | 1
Facebook