Իրադարձություններ

ԵԱՀԿ գործող նախագահ, Մալթայի Հանրապետության արտաքին գործերի, եվրոպական հարցերի և առևտրի նախարար Իեն Բորջն այսօր Երևանում ՀՀ ԱԳ նախարար Արարատ Միրզոյանի հետ համատեղ ասուլիսի ժամանակ հայտարարել է, որ Մալթան թափանցիկ և ազնիվ նախագահություն է վարում։ «Մենք կաջակցենք Հայաստանին և Ադրբեջանին՝ հասնելու համապարփակ ու կայուն խաղաղության համաձայնագրի։ Տեղյակ ենք, որ երկու երկրներն էլ նախընտրում են հարցերը լուծել երկկողմանի հարթությունով։ Ես չեմ օգնի գործընթացին՝ իմ դիրքորոշումը հայտնելով»,- ասել է Իեն Բորջը՝ անդրադառնալով հայ-ադրբեջանական սահմանի սահմանազատման հարցին։