Իրադարձություններ

ԱԺ ճեպազրույցների ժամին ՔՊ-ական պատգամավորներ Արթուր Հովհաննիսյանը և Անդրանիկ Քոչարյանն անդրադարձել են այն հարցին, թե ինչո՞ւ Փաշինյանը խոստացված ժամկետում կրկին չգնաց Տավուշ։ «Քննարկումները ըստ զարգացումների շարունակվելու են, մի ֆիքսվեք, թե քանի օրից պետք է հանդիպեին՝ 10, թե 15, խոսքը գնացել է պրոցեսներին զուգահեռ մեր հայրենակիցների հետ խոսակցությունների մասին, չի կարող լինել մի իրավիճակ, որ մենք առաջ շարժվենք՝ առանց մարդկանց հետ խոսելու, ստվերային գործընթացներ չկան»,-նշել է Հովհաննիսյանը։ «Փաշինյանը 10 օրից կգնա, թե 15, խնդիր չի, ժամկետները կարող են խախտվել, վարչապետը չի խուսափում որևէ ծանր հանդիպումից։ Երևի պետք է Ղազախստանի նախագահին ասեր՝ սպասի, ես մի հատ գնամ Տավուշ գամ, ո՛չ, պետք է հարգենք պետական պաշտոնյաների աշխատանքային օրակարգերը և պարտադիր չէ՝ Փաշինյանը գնա, շատ այլ պաշտոնյաներ կան»,- ասել է Քոչարյանը։