Խնդրում ենք սպասել...

Համացանց

«Ձևավորվեց կենտրոն, որը կզբաղվի Տավուշի 4 գյուղերի հանդեպ դավաճանությունը կանխելով»․ Հովհաննես Իշխանյան

17:18, կիրակի, 14 ապրիլի, 2024 թ.
«Ձևավորվեց կենտրոն, որը կզբաղվի Տավուշի 4 գյուղերի հանդեպ դավաճանությունը կանխելով»․ Հովհաննես Իշխանյան

Ռեժիսոր Հովհաննես Իշխանյանի ֆեյսբուքյան գրառումը. «Երեկ Ոսկեպարում գրեթե մեկ ամսվա աշխատանքների արդյունքում ձևավորվեց կենտրոն, որը կզբաղվի Տավուշի 4 գյուղերի հանդեպ դավաճանությունը կանխելով:
     Առաջին օրերից առկա էր խնդիր, որ աշխատանքները համակարգված չեն ու քաոս է առաջանում:
     Այդ խումբը հնարավոր է եղել ձևավորել էնտեղ գնալու, մնալու, տեղացիներին ոգին բարձրացնելու և տեղացիների միջոցով մեր ոգիները բարձրացնելու, դավաճաններին էնտեղից չեզոքացնելու արդյունքում:
     Երեկ Ոսկեպարում նաև առաջին անգամ Ոսկեպարի գյուղապետը կոշտ ու հստակ դիրքորոշում հայտնեց, որ սահմանը ոսկեպարցու բակով չի անցնելու:
     Շատերը հարցնում են, թե ինչ կարելի անել Տավուշի 4 գյուղերը պաշտպանելու համար:
     Հեշտ պատասխաններից է՝ կարելի է շրջանառել այս կարևոր եղելությունը, որն արել է Ոսկեպարի գյուղապետը՝ երգերի ու պարերի ներքո, և դա շրջանառելով օգնել Տավուշի 4 գյուղերի պաշտպանության կենտրոնին, որովհետև գյուղապետի խոսքը ազդարարում է կամքը, որը ներշնչվում է այլոց:
     Դա նաև կօգնի, որ Երևանը ազատագրվի, քանի որ Տավուշի, Արցախի, Սյունիքի, ինչու չէ նաև Կոնսերվատորիայի խնդիրը Երևանում է»։

4661 | 0
Facebook