Համացանց

Քաղաքագետ Աղասի Ենոքյանի ֆեյսբուքյան գրառումը. «Հայաստանն այս պահին չպետք է դուրս գա ՀԱՊԿ-ից։ Այդ քայլը մեր երկրին որևէ առավելություն չի տա։ ՀԱՊԿ-ի կազմում մնալով` նա կարող է ազդել այս կազմակերպության որոշումների վրա, կարող է տեղեկացված մնալ որոշակի ռազմավարական հարցերում, անգամ չի բացառվում, որ առանձին պայմաններում կարողանա Ռուսաստանից էժան զենք գնի։ Ինչպես տեսնում ենք, ՀԱՊԿ-ում անդամությունը Հայաստանին չի խանգարում այլ երկրներից զենք գնել և ռազմական համագործակցություն զարգացնել։ Հայաստանում ռուսական զորքի առկայությունը կապ չունի ՀԱՊԿ-ի հետ՝ Գյումրիի ռազմաբազան, օդանավակայանի, Թուրքիայի և Իրանի հետ սահմանի սահմանապահները տեղակայված են երկկողմ պայմանագրերով, իսկ Արցախի և հայ-ադրբեջանական սահմանի ռուս «խաղաղապահները»՝ եռակողմ կապիտուլյացիոն հայտարարությամբ։
     Միաժամանակ, ՀԱՊԿ-ից Հայաստանի դուրս գալն այժմ ձեռնտու է Ռուսաստանին՝ սկսած ՀԱՊԿ-ում Հայաստանի տեղը Ադրբեջանին տրամադրելու հնարավորությունից, մինչև Հարավային Կովկասում Ռուսաստանի ձեռքերն ամբողջովին ազատ արձակելուց և Ռուսաստանում հակահայկական հզոր հիստերիա բարձրացնելուց, որն ամբողջովին «կարդարացնի» Հայաստանի հանդեպ թշնամական գործողությունները։
     Եթե հաշվում ենք քաղաքականության մեջ հայտնի «ում է ձեռնտու» սկզբունքով, ստացվում է, որ ՀԱՊԿ-ից դուրս գալու հայտարարությունները Պուտինի կողմից Նիկոլին տրված հերթական առաջադրանքն են»։