Խնդրում ենք սպասել...

Համացանց

«Մոտ երեք շաբաթ է՝ մեր թշնամի երկրի կայքերը դիտելի են ՀՀ տարածքում»․ Նարինե Կիրակոսյան

13:06, շաբաթ, 02 մարտի, 2024 թ.
«Մոտ երեք շաբաթ է՝ մեր թշնամի երկրի կայքերը դիտելի են ՀՀ տարածքում»․ Նարինե Կիրակոսյան

Լրագրող Նարինե Կիրակոսյանի ֆեյսբուքյան գրառումը․ «Հանրային կապերի և տեղեկատվության կենտրոնի տնօրեն Գոռ Ծառուկյանին

Մոտ երեք շաբաթ է, ինչ մեր թշնամի երկրի կայքերը դիտելի են, այսինքն տեսանելի Հայաստանի Հանրապետության տարածքում։ Ձեր ղեկավարած կառույցի գործառույթների մեջ է մտնում, ի թիվս այլ պարտականությունների, նաև ապահովել ազգային ինֆորմացիոն անվտանգությունը։
     Ինչո՞վ կբացատրեք, պ-ն Ծառուկյան, այդ փաստը, որ ադրբեջանական կայքերը բաց են ու իրենք անխոչընդոտ իրագործում են ՀՀ-ի տարածքում տարբեր պետական կայքերով, այլ պրոպագանդիստական լրատվական և սոցիալական հարթակներում ինֆորմացիոն պատերազմների կանոններին համահունչ գրոհը մեր քաղաքացիների վրա։
     Համենայն դեպս, 2020 թվականի պատերազմից հետո, ադրբեջանական կայքերը ՀՀ-ում բաց չէին։ Գուցե սոցցանցերով կարող էին տարբեր նյութեր տարածել, բայց կայքերը բաց չէին։ Հիմա բաց են և ես արդեն քանի անգամ դրա մասին ահազանգելով, տեսնում եմ, որ պատասխանատու մարմինները ոչինչ չեն ձեռնարկում։
     Կարող եմ, որպես լրագրող, իմանալ, թե ինչո՞ւ։
     Ինչո՞ւ պետք է մի քանի լրագրողով փորձենք մարդկանց բացատրել, որ չհետևեն ադրբեջանական կայքերին, որ դրանք վախի, խուճապի մթնոլորտ ստեղծելու և շեղելու, խաբելու միջոցներ են։ Որ կա պատերազմների տարբեր ձևեր, որոնցից ամենաազդեցիկը ինֆորմացիոնն է։ Եվ, որ մեր երկրում համապատասխան կառույց կա, բայց անգործության է մատնված։
     Ավելի ճիշտ, ձեր ՊՈԱԿ-ը, ըստ բաց աղբյուրների մատուցում է Նիկոլ Փաշինայնի կառավարությանը գովազդի, PR-ի, դասընթացների (ի դեպ դասընթացներում մասնակցում են մամլո խոսնակներ, որոնք ոլորտում են մի քանի տասնյակ տարի և, ըստ այդմ նրանց ի՞նչ պետք է սովորեցնեք, անհասկանալի է) և այլ ծառայություններ։
     Ուրեմն, արդեն որպես Հայաստանի Հանրապետության քաղաքացի հարցնում եմ, ո՞վ, եթե ոչ դուք պետք է ապահովեք իմ ինֆորմացիոն անվտանգությունը։
     Ի դեպ, ադրբեջանական կայքերի պատճեներ, այսինքն սքրին, չեմ տեղադրում, քանի որ ՖԲ-ն արգելափակում է որևիցե նյութ հարևանների վերաբերյալ»։

2607 | 0
Facebook