Խնդրում ենք սպասել...

Համացանց

«Կարևոր է, որ Արցախից պաշտոնական դիրքորոշում և գնահատական է հնչեցվում». Տիգրան Աբրահամյան

02:06, ուրբաթ, 01 մարտի, 2024 թ.
«Կարևոր է, որ Արցախից պաշտոնական դիրքորոշում և գնահատական է հնչեցվում». Տիգրան Աբրահամյան

ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը. «Արցախի խորհրդարանական 5 խմբակցությունները հանդես են եկել հայտարարությամբ, որում բավականին կոշտ գնահատականներ են հնչեցրել ՀՀ կառավարության` Արցախից բռնի տեղահանված անձանց աջակցության ծրագրերի վերաբերյալ:
     Ըստ Արցախի խորհրդարանի` ՀՀ կառավարության կողմից նախատեսվող ծրագրերը համարժեք չեն տիրող իրավիճակին:
     Ընդ որում` մինչ այս պահը իրականացված ծրագրերը չեն քննարկվել ո´չ Արցախի խորհրդարանի, ո´չ կառավարության, ո´չ նախագահի հետ, իսկ Արցախի պաշտոնական շրջանակների` սեփական նախաձեռնությամբ, հայաստանյան իշխանությանը ներկայացված առաջարկներն անտեսվել են:
     Ի դեպ, թեմային Արցախի խորհրդարանական ուժերից բացի անդրադարձել են արցախցի բազմաթիվ գործիչներ, հասարակական դեմքեր, պարզապես ակտիվ քաղաքացիներ, ինչն ակնհայտ է դարձնում, որ սրա հետ կապված խորն անհանգստություն կա:
     Արցախի խորհրդարանը եզրակացնում է, որ նման որոշումների կայացումը հանգեցնելու է արցախցիների հիասթափությանն ու դժգոհությանը, որի արդյունքում կխթանվի արտագաղթը և բողոքների ալիքը, կխաթարվի Արցախի համար օրախնդիր՝ հավաքական վերադարձի ակնկալիքը։
     Մեծ առումով, Արցախն Ադրբեջան համարող իշխանությունից այլ բան դժվար է ակնկալել, համենայնդեպս կարևոր է, որ Արցախից պաշտոնական դիրքորոշում և գնահատական է հնչեցվում»:

2059 | 1
Facebook