Խնդրում ենք սպասել...

Իրադարձություններ

Կապան, Գորիս, Դիլիջան, Իջևան քաղաքներում ձյուն է տեղում

09:54, կիրակի, 25 փետրվարի, 2024 թ.
Կապան, Գորիս, Դիլիջան, Իջևան քաղաքներում ձյուն է տեղում

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։
     Մինչև մարտի 5-ը ճանապարհի վերանորոգման աշխատանքներով պայմանավորված Մ-6 մայրուղու Վանաձոր-Ալավերդի ճանապարհահատվածի մոտ 38-40-րդ կմ փակ է լինելու ավտոբուսների և կցորդով կամ կիսակցորդով բեռնատար ավտոմեքենաների համար։ Շրջանցիկ ավտոճանապարհը կգործի Նոյեմբերյան քաղաքով։
     Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:
     Վարդենյաց լեռնանցքը դժվարանցանելի է կցորդիչով բեռնատարների համար:
     Վարդենյաց լեռնանցքում, Կապան, Գորիս, Դիլիջան, Իջևան քաղաքներում տեղում է ձյուն։
     Լարսի մասին
     Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
     Վարորդներին խորհուրդ է տրվում երթևեկել բացառապես ձմեռային անվադողերով։

1624 | 0
Facebook