Համացանց

«Երեկ իմ լայվի ժամանակ Տիգրան Ավինյանն ու Խորեն Գրիգորյանը եկեղեցում երևի աղթում էին, որ ես իմ երեկվա լայվի ժամանակ հայհոյանքներ հնչեցնեմ ինձ վրա հարձակվողների հասցեին ու հարվածեմ: Որովհետև նախորդ անգամ, երբ իմ հանդեպ կրկին մահափորձ էր տեղի ունեցել, մի հատ շինծու քրեական գործ է սկսվել»,- այսօր երեկոյան իր ֆեյսբուքյան էջի ուղիղ եթերում երեկվա սկանդալային միջադեպի մասին մանրամասներ պատմելիս նշեց բլոգեր Արթուր Չախոյանը: Նա հիշեցրեց շուրջ մեկ տարի առաջ Հրազդանում տեղի ունեցած միջադեպը, երբ Հրազդանում պարեկները կրակել ու սպանել էին իրենց վրա կացնով հարձակված ենթադրյալ հանցագործին: «Այնինչ իմ վրա կացնով հարձակման դեպքի առիթով չկա ոչ մի ձերբակալված»,- նկատեց Չախոյանը: