Միջազգային

Հայաստանն ու Ադրբեջանը շարժվում են դեպի խաղաղություն, ԱՊՀ-ում ուրախ կլինեն, եթե Երևանի և Բաքվի միջև խաղաղության պայմանագրի ստորագրման մասին հայտարարությունները հաջողությամբ պսակվեն: Այս մասին Բաքվում լրագրողների հետ զրույցում ասել է ԱՊՀ գլխավոր քարտուղար Սերգեյ Լեբեդևը:

«Երկու երկրների ղեկավարները խոսում են այն մասին, որ մտադիր են հասնել լիակատար խաղաղության։ Բոլորիս համար ուրախալի են Ադրբեջանի նախագահի և Հայաստանի կառավարության աշխատակազմերի բանակցությունները, որոնք տեղի են ունեցել դեկտեմբերին, և հայտարարություններն այն մասին, որ երկու կողմերն էլ բոլոր ջանքերը կգործադրեն՝ հարաբերություններում լարվածությունը նվազեցնելու, թշնամանք թույլ չտալու համար: ԱՊՀ երկրները սատարում են այդ ջանքերին»,- ասել է Լեբեդևը: