Միջազգային

Գերմանիայի իշխանությունները մշակում են ազգային պաշտպանության ծրագիր, ըստ որի՝ քաղաքացիները պետք է իրենց ապաստարանները կառուցեն նկուղներում և ավտոտնակներում։ Այս մասին հայտնում է Bild-ը։

Հոդվածում ասվում է, որ իշխանությունների համար հսկայական խնդիր է բունկերի և պաշտպանիչ ապաստարանների բացակայությունը, որոնցից ընդամենը 579 հատ կա Գերմանիայում, որոնք, ընդհանուր առմամբ, կարող են տեղավորել մոտ 477 հազար մարդ։

Պաշտպանական պլանը, որը մշակման փուլում է, նաև կոչ է անում փակել երկաթուղային և ճանապարհային հանգույցները արտակարգ իրավիճակների դեպքում: Մասնավոր ընկերությունները, ըստ փաստաթղթի, ներգրավվելու են բանակին տեխնիկայով և վառելիքով օգնելու համար։

Նահանգը նախատեսում է ստեղծել մինչև վեց կամավորական գնդեր ենթակառուցվածքները պահպանելու համար, քանի որ պրոֆեսիոնալ զինվորականները մեկնում են ռազմաճակատ, գրում է գործակալությունը։

Ենթադրվում է, որ Գերմանիան ինքը չի սահմանի ճակատը, այլ կապահովի դաշնակիցների տեխնիկայի և զորքերի տարանցումը։