Խնդրում ենք սպասել...

Միջազգային

ԱՄՆ-ը պատրաստվում է պատերազմի Մերձավոր Արևելքում. #Politico

15:19, ուրբաթ, 05 հունվարի, 2024 թ.
ԱՄՆ-ը պատրաստվում է պատերազմի Մերձավոր Արևելքում. #Politico

ԱՄՆ նախագահ Ջո Բայդենի վարչակազմը միջոցներ է մշակում մերձավորարևելյան հակամարտության ընդլայնման և ամբողջ մերձավորարևելյան տարածաշրջանում դրա տարածման դեպքում, գրում է Politico-ն՝ վկայակոչելով իրազեկ աղբյուրներին:

Աղբյուրների խոսքով՝ հակամարտության ընդլայնման հավանականությունն աճում է Իրաքի, Լիբանանի և Իրանի տարածքում վերջին օրերին տեղի ունեցած բախումների հետևանքով: Դա համոզել է ամերիկյան վարչակազմի ներկայացուցիչներին, որ հակամարտությունը «պաշտոնապես տարածվել է Գազայի հատվածի սահմաններից դուրս»:

Politico-ի զրուցակիցները պատմել են, որ այժմ ամերիկացի զինվորականները մշակում են Եմենի հուսիներին պատասխան հարված հասցնելու ծրագիր, որոնք բազմիցս հարձակվել են Կարմիր ծովում առևտրային նավերի վրա: Հետախուզության ներկայացուցիչներն իրենց հերթին փորձում են կանխատեսել և կանխել Իրաքում և Սիրիայում ԱՄՆ ուժերի վրա հնարավոր ապագա հարձակումները, ինչպես նաև որոշել հուսիների հաջորդ հարձակումների հնարավոր օբյեկտները:

Politico-ն նշում է, որ մերձավորարևելյան հակամարտության աճը սպառնում է ոչ միայն տարածաշրջանային անվտանգությանը, այլև նախագահ Բայդենի վերընտրվելու հնարավորություններին: Պարբերականը նշում է, որ ընտրողները 2024 թվականին կարող են արտահայտվել այս ընտրություններում արտաքին քաղաքականության առանցքային հարցի շուրջ, և թե որքանով Ամերիկան պետք է ներգրավված լինի արտասահմանյան հակամարտություններում:

4189 | 0
Facebook