Խնդրում ենք սպասել...
Այսօր`  հինգշաբթի, 22 փետրվարի, 2024 թ.

Համացանց

«Արցախի հանձնումը լոկ միջոց էր. իրականում սկսվել է ՀՀ հայության օղլիացումը»․ Վահե Սարգսյան

10:30, կիրակի, 10 դեկտեմբերի, 2023 թ.
«Արցախի հանձնումը լոկ միջոց էր. իրականում սկսվել է ՀՀ հայության օղլիացումը»․ Վահե Սարգսյան

Պատմաբան, խմբագիր Վահե Սարգսյանը ֆեյսբուքյան իր էջում գրել է. «Խունտան ամբողջ հռետորիկան ուժգնորեն գործի է դրել մարդկանց համոզելու համար, որ իր Մեծ դավաճանությունը` Արցախի հանձնումը, դա ճիշտ քայլ էր, որ դա իբր բխում է ՀՀ պետական շահերից, որ դա ինքը արել է Սերգոյի և Պողոսի լավ կյանքի համար։
     Այդ հռետորիկան, բնականաբար, հիշեցնում է իր գաղափարական հոր 1997թ. հայտնի հոդվածի` հետագայում քարուքանդ եղած թեզերը։
     Եվ այս ամենն արվում է ոչ թե ավարտված գործընթացին` Արցախի հանձնմանը, տալու իրավական, քաղաքական ու գաղափարական հենք, այլ դա արվում է հայ հասարակությանը նախապատրաստելու սկսվելիք գործընթացին։
     Այո, Արցախի հրեշավոր հանձնումը չէր սույն խմբավորման նպատակը։ Արցախի հանձնումն ընդամենը միջոց է սկսելու բուն նպատակի իրագործումը` ՀՀ-ի թյուրքացումը։ Դա է` ՌԴ-ի դուրսմղումը, ադրբեջանցիների վերադարձը ՀՀ, թուրքական կապիտալի ներհոսքը, ՀՀ տարածքը թուրք-ադրբեջանական պլացդարմի վերածելն ու երկրի վերջնական վիլայեթացումը բարեհաջող ավարտին հասցնելը։
     Դրան հասնելու համար այժմ պետք է նախապատրաստել հայ հասարակությանը, առայժմ կուշտ կերակրել լավ կյանքի սպասելիքով, համոզել, հաղթել մոտակա արտահերթ ընտրություններին և... լայն թափով սկսել ՀՀ-ի վիլայեթացումը։
     Հենց դրա համար են Էրդողանն ու Ալիևը ատամներով պահում ՀՀ-ում իշխող քաղաքականապես թյուրքական խմբակին և սարսափազդու կոչեր հնչեցնում վերջիններիս դեմ ելած ընդդիմադիրների հասցեին. նրանք սարսափում են, որ կարող է կորցնեն ՀՀ-ի նվաճման բանալիներին։
     Այստեղ, թերևս մի տեղ Նիկոլ Փաշինյանը անկախ իրենից կարող է հակադրվել, հակառակն ապացուցել 1997-ի հայտնի հոդվածի հեղինակին, ինչի համար միգուցե ներեն իրեն։ Ահա այդ դրվագը.
     «Դժվար է հավատալ, որ անգամ խելակորույսի մտքով կանցներ, թե Ղարաբաղը ծախելով, որեւէ մեկը Հայաստանում կարող է իշխանություն պահել»»։

«Արցախի հանձնումը լոկ միջոց էր. իրականում սկսվել է ՀՀ հայության օղլիացումը»․ Վահե Սարգսյան
«Արցախի հանձնումը լոկ միջոց էր. իրականում սկսվել է ՀՀ հայության օղլիացումը»․ Վահե Սարգսյան

Աղբյուրը` Վահե Սարգսյան
| | |
2914 | 0
Facebook