Խնդրում ենք սպասել...
Այսօր`  հինգշաբթի, 29 փետրվարի, 2024 թ.

Միջազգային

Մակրոնը Նեթանյահուից պահանջում է պաշտպանել Գազայի խաղաղ բնակիչներին

00:24, շաբաթ, 09 դեկտեմբերի, 2023 թ.
Մակրոնը Նեթանյահուից պահանջում է պաշտպանել Գազայի խաղաղ բնակիչներին

Ֆրանսիայի նախագահ Էմանուել Մակրոնը Իսրայելի վարչապետ Բենիամին Նեթանյահուի հետ զրույցում Իսրայելից պահանջել է պաշտպանել Գազայի խաղաղ բնակիչներին և դադարեցնել բռնությունները Հորդանան գետի Արևմտյան ափում պաղեստինցիների նկատմամբ, հաղորդում է Agence France-Presse-ը։
     «Հեռախոսազրույցի ընթացքում նախագահը հիշեցրել է Գազայի քաղաքացիներին պաշտպանելու անհրաժեշտությունը և ընդգծել երկարաժամկետ հրադադարի հասնելու կարևորությունը»,- հայտնում է գործակալությունը՝ վկայակոչելով Ելիսեյան պալատը։
     Մակրոնի խոսքով՝ Իսրայելը «պարտավոր է ձեռնարկել անհրաժեշտ միջոցներ՝ դադարեցնելու իսրայելցի վերաբնակիչների կողմից Հորդանան գետի արևմտյան ափում պաղեստինցիների նկատմամբ իրականացվող բռնությունները»։ Նա նաև պահանջել է բացել երկրորդ անցակետը, որը թույլ կտա մարդասիրական օգնություն հասցնել Գազայի հատված, ինչը պաղեստինցիների համար հրատապ է:
     Նախօրեին Փարիզը հայտարարեց, որ աշխատում է իսրայելցի վերաբնակիչների դեմ պատժամիջոցների վրա և հույս ունի այս հարցում առաջընթաց ունենալ նաև եվրոպական մակարդակով։ Ավելի վաղ Ֆրանսիայի ԱԳՆ-ն հայտնել էր նաև, որ ևս 600 տոննա մարդասիրական օգնություն է ուղարկվել Գազայի հատված։

2334 | 0
Facebook