Խնդրում ենք սպասել...
Այսօր`  հինգշաբթի, 29 փետրվարի, 2024 թ.

Միջազգային

Գազայում զոհվել է Իսրայելի գլխավոր շտաբի նախկին ղեկավարի որդին

23:18, հինգշաբթի, 07 դեկտեմբերի, 2023 թ.
Գազայում զոհվել է Իսրայելի գլխավոր շտաբի նախկին ղեկավարի որդին

Գազայի հատվածում մղվող կատաղի մարտերում զոհվել է 25-ամյա Գալ Էյզենկոտը՝ Իսրայելի պաշտպանության բանակի գլխավոր շտաբի նախկին պետ, նեղ ռազմական կաբինետի անդամ Գադի Էյզենկոտի որդին։

Իսրայելական լրատվամիջոցները գրում են, որ Գալը պահեստազորային է եղել և ծանր վիրավորվել է Ջեբալիայի թունելի հորանում տեղի ունեցած պայթյունի հետևանքով։ Նա ծանր վիճակում տեղափոխվել է հիվանդանոց, որտեղ բժիշկներն արձանագրել են նրա մահը։

Հաղորդվում է, որ Գադի Էյզենկոտը որդու մահվան մասին իմացել է իսրայելական ուժերի հարավային հրամանատարություն այցելելիս։ Իսրայելի վարչապետ Բենիամին Նեթանյահուն ցավակցություն է հայտնել Գալ Էյզենկոտի մահվան կապակցությամբ։

3885 | 0
Facebook