Իրադարձություններ

Կոռուպցիայի կանխարգելման հանձնաժողովի անդամի ընտրության հարցի քննարկման ժամանակ ելույթ ունեցավ ԱԺ փոխնախագահ Հակոբ Արշակյանը: Նա նշեց, որ հանձնաժողովը ստեղծվել է իրենց իշխանության ժամանակ. «Բազմաթիվ, հարյուր միլիարդավոր դրամների հասնող ապօրինի գույքի բռնագանձման հարցեր կան, որոնք դատարաններում են, ու այս ճանապարհն անկասելի է լինելու: Ու հիմա բերել, զուգահեռներ անցկացնել որևէ պատգամավորի տեխնիկական սխալի, մոռացության պատճառով....Օրինակ ես ՀԿ ղեկավար եմ եղել, հայտարարագրում չեմ նշել՝ չեմ մտաբերել, թերթերը հրապարակել են, շնորհակալություն եմ հայտնել, կգնամ, կլրացնեմ: Հիմա, էդ հարցը վերցնել, դիտարկել հսկայական ունեցվածքների, կոռուպցիայի միջոցով հարստացածների, ծակ կոշիկներով իշխանության եկած, հիմա թանկարժեք կոստյումներ կրողների հետ, անկեղծ չէ, ճիշտ չէ»,- ասաց նա: