Խնդրում ենք սպասել...
Այսօր`  չորեքշաբթի, 28 փետրվարի, 2024 թ.

Թերթերի տեսություն

Արցախի խորհրդարանը նիստ է գումարել. «Հրապարակ»

09:30, երեքշաբթի, 05 դեկտեմբերի, 2023 թ.
Արցախի խորհրդարանը նիստ է գումարել. «Հրապարակ»

«Հրապարակ»-ը գրում է. «Արցախի պատգամավորները Երևանում գտնվող Արցախի ներկայացուցչությունում շաբաթ օրը ԱԺ նիստ են հրավիրել, որն առաջինն է արցախցիների բռնի տեղահանումից հետո։ Սակայն պաշտոնական տեղեկատվություն չեն հաղորդել։ Նիստին ներկա են եղել բոլոր պատգամավորները, բացառությամբ ԱԺ նախագահ Դավիթ Իշխանյանի, ով ադրբեջանական գերության մեջ է: Նրան փոխարինում է և նիստն էլ վարել է Սամվել Բաբայանի կուսակից, ԱԺ փոխնախագահ Գագիկ Բաղունցը։ Օրակարգում 2 հարց է եղել՝ 2 պատգամավոր մանդատ են ստացել և երդվել: Եւ Արցախի հարցով միջազգային հանձնախումբ են ձևավորել, որը միջազգային հարթակներում Արցախի հարցն է բարձրաձայնելու և Արցախ վերադարձի հարցերով է զբաղվելու։ Հանձնախմբում ընդգրկվել են արցախցի պատգամավորները, առաջիկայում այլ անձանց էլ կընդգրկեն։
     Ինչո՞ւ ԱԺ նիստի մասին պաշտոնական տեղեկատվություն չկա: Ըստ ամենայնի, արցախցիները չեն համարձակվում հաղորդագրություն տարածել, քանի որ ՀՀ իշխանությունները դեմ են Արցախի պետական ինստիտուտների պահպանմանը։ Մեր աղբյուրներն ասում են, որ նիստի մասին հաղորդելու առաջարկ արվել է մի քանի ընդդիմադիր պատգամավորի կողմից, սակայն չի ընդունվել։ Անհասկանալի է, թե ինչու են նիստ գումարում, եթե պետք է գաղտնի մնա, և ոչ մեկը չիմանա»:
     Մանրամասները՝ թերթի համարում:

2233 | 0
Facebook