Խնդրում ենք սպասել...

Իրադարձություններ

Սպանվել է քրեական պատմություններով հայտնի տղամարդը, ում կնոջ ուղղությամբ ամիսներ առաջ էին կրակել

11:24, չորեքշաբթի, 29 նոյեմբերի, 2023 թ.
Սպանվել է քրեական պատմություններով հայտնի տղամարդը, ում կնոջ ուղղությամբ ամիսներ առաջ էին կրակել

Երեկ՝ նոյեմբերի 28-ին, ժամը 23:00-ի սահմաններում ՀՀ ՆԳՆ ոստիկանության Լոռու մարզային վարչությունում օպերատիվ տեղեկություններ են ստացվել, որ Վանաձոր քաղաքի Տիգրանյան 1 հասցեի մոտ կրակոցներ են հնչել, կա տուժած: Ինչպես հայտնում է ֆոտոլրագրող Գագիկ Շամշյանը, ոստիկանները նշված շենքի բակի տարբեր հատվածներում հայտնաբերել են ինքնաձիգից կրակված 20-ից ավելի պարկուճներ, իսկ բակում՝ Ford Fusion մակնիշի ավտոմեքենա, որի առջևի և կողային հատվածներում առկա էին կրակոցի 15-ից ավելի հետքեր: Ավտոմեքենայի սրահում՝ վարորդի նստատեղին, հայտնաբերվել է դի: Քննիչները պարզել են, որ սպանվածը Վանաձոր քաղաքի Չուխաջյան թաղամասի բնակիչ, 39-ամյա Արման Փերիխանյանն է, կասկածյալը՝ Վանաձոր քաղաքի բնակիչ, 28-ամյա Կարեն Փիլոյանը: Այս տարվա սեպտեմբերի 2-ին Վանաձորում կրակոցներ էին արձակել տեղի հայտնի խանութներից մեկի ուղղությամբ, որտեղ հրազենային վնասվածքներ ստացած կանանցից մեկը սպանված Ա. Փերիխանյանի կինն էր:
     Մանրամասները՝ սկզբնաղբյուրում:

| | |
14178 | 0
Facebook