Խնդրում ենք սպասել...
Այսօր`  հինգշաբթի, 29 փետրվարի, 2024 թ.

Հետաքրքիր է

Նորահայտ լուսանկարներ Մատենադարանի պահոցներից

23:48, կիրակի, 26 նոյեմբերի, 2023 թ.
Նորահայտ լուսանկարներ Մատենադարանի պահոցներից

Մաշտոցի անվան Մատենադարանի թանգարանային մասում բացվել է «Մատենադարան․ լուսանկարչական գանձարանի հայտնությունը» խորագրով բացառիկ ցուցահանդես։ Մատենադարանի տարբեր հավաքածուներում հայտնաբերվել են այնպիսի լուսանկարներ, որոնք պատմական, աղբյուրագիտական, արվեստաբանական և ազգագրական տեսանկյունից առանձնահատուկ կարևորություն ունեն: Լուսանկարներում արտացոլված են ինչպես Արևելյան, այնպես էլ Արևմտյան Հայաստանի պատմամշակութային կոթողները, կյանքն ու կենցաղը, անվանի հայերի դիմանկարներ, ազգագրական նյութեր և այլն։
     Ցուցահանդեսի միջոցով առաջին անգամ անդրադարձ կկատարվի Մատենադարանում պահվող լուսանկարներին՝ նպատակ ունենալով արժևորել այդ հսկայական ժառանգությունը և շեշտել յուրաքանչյուր լուսանկարի կարևորությունը։
     Ժամանակակից տեխնոլոգիաների շնորհիվ այդ լուսանկարները նոր շունչ ու կենդանություն են ստացել։
     Ինչպես նշեց ցուցահանդեսի կազմակերպիչ Իվեթ Թաջարյանն, այս ցուցահանեսը բացառիկ է, քանի որ իր բնույթով առաջին օրինակն է Մատենադարանի պատմության մեջ։ Հանրությանը` որպես ձեռագրերի պահոց և վերականգնման կենտրոն հայտնի Մատենադարանը, պարզվեց, ձեռագրերի կողքին երկար տարիներ խնամքով պահել է նաև լուսանկարչական ահռելի նյութ, որոնք էլ ներկայացվել են ցուցահանդեսին և տպագրվել են «Լուսանկարների ընտրանի Մաշտոցի անվան Մատենադարանի հավաքածուներից» պատկերագրքում։
     Ցուցահանդեսում, բացի լուսանկարներից, ալբոմներից ներկայացված է նաև Ժամանակակից տեխնոլոգիաների շնորհիվ մշակված անիմացիոն պատկերաշար։

3339 | 0
Facebook