Միջազգային

Մերձավոր Արևելքի հակամարտությունը վերջ կդնի Եվրոհանձնաժողովի ղեկավար Ուրսուլա ֆոն դեր Լայենի՝ «աշխարհաքաղաքական Եվրոպայի» մասին գաղափարին: Այս մասին հայտարարել է ԵՄ արտաքին քաղաքականության հարցերով հանձնակատար Ժոզեպ Բորելի նախկին խորհրդական, իտալական Istituto Affari Internazionali կենտրոնի տնօրեն Նատալի Տոչին Politico թերթի համար իր հոդվածում:

«Ուկրաինայի նկատմամբ Եվրոպայի մոտեցումը նախադրյալներ էր ստեղծում՝ ցույց տալու, թե ինչ է նշանակում աշխարհաքաղաքական Եվրոպան: Մերձավոր Արևելքը ցույց տվեց, որ աշխարհաքաղաքական Եվրոպայի վերջը եկել է»,- կարծում է վերլուծաբանը:

Բորելի նախկին խորհրդականի կարծիքով՝ Մերձավոր Արևելքում պատերազմը «ցավոտ ճշմարտություն» է պառակտված Եվրոպայի համար: Նրա խոսքով՝ Պաղեստինի անկախության հարցը չի կարելի անտեսել: