Միջազգային

Ուկրաինայի նախագահ Վլադիմիր Զելենսկու համար պոտենցիալ վտանգավոր է դառնում ընտրությունների թեման և ռազմական հրամանատարության հետ հարաբերությունները, գրում է strana-ն:

«Ուկրաինայում ընտրությունների անցկացման հարցը մինչ օրս փակված չէ: Եթե ԶՈւ հրամանատար, գեներալ Վալերի Զալուժնին, այնուամենայնիվ, որոշի մասնակցել դրանց, նա մեծ շանսեր ունի:

Նախագահ Վլադիմիր Զելենսկու հայտարարությունն այն մասին, որ ընտրություններն այժմ տեղին չեն, ենթադրաբար, պետք է նվազեցներ լարվածությունը, սակայն ավելի թեժացրեց ռազմաքաղաքական ղեկավարության հետ լարվածությունը:

Կրքերը չեն հանդարտվել: Զալուժնիի և Զելենսկու միջև տարաձայնությունների մասին լուրերը վերջին շրջանում ակտիվացել են: Ակտիվացել են նաև խոսակցությունները Ուկրաինայի Գերագույն ռադայի գլխավոր քարտուղարի՝ նախագահական ընտրություններին մասնակցելու մտադրության մասին։

Զալուժնին չի հաստատում իր քաղաքական հավակնությունները, իսկ ուկրաինական իշխանությունները հերքում են երկրի ռազմական և քաղաքական ղեկավարության միջև տարաձայնությունների փաստը: Միևնույն ժամանակ, նման լուրերի ակտիվացման մեկնարկային կետը դարձավ Զալուժնիի հարցազրույցը The Economist ամսագրին, որում նա ընդունել է հարավում ուկրաինական հակահարձակման ձախողումը և երկու կողմերի համար ճակատում առկա իրավիճակի ընդհանուր փակուղին:

Նշենք, որ Զելենսկու և Զալուժնիի հարաբերություններում առկա խնդիրների մասին առաջինը հայտնել է նախկին նախագահ Պյոտր Պորոշենկոյի շրջապատը: Եթե սա փորձ է՝ համոզել Զելենսկուն կոալիցիոն կառավարություն ստեղծել, ապա զգալի հետևանքներ չեն լինի:

Հարցումները ցույց են տալիս, որ Վլադիմիր Զելենսկին առաջին փուլում կհավաքի 30-40%, իսկ Վալերի Զալուժնին՝ 20-30%: Պայմանական «Զալուժնիի կուսակցությունը» կհավաքի 20-25%, իսկ «Ժողովրդի ծառան»՝ 10-12%: