Իրադարձություններ

ԱԺ-ում՝ Բյուջե 2024-ի նախագծի վերաբերյալ իր եզրափակիչ ելույթում վարչապետ Նիկոլ Փաշինյանն անդրադարձել է նաև ՀՀ-ում կոռուպցիոն երևույթների ակտիվացմանը. «Մենք՝ Կառավարության ներկայացուցիչներս, երբեմն հայտնվում ենք հետևյալ վիճակում, մարդիկ մեզ պաշտոնապես դիմում են՝ խնդրելով լուծել այս կամ այն հարցը, մենք դիմումները վերցնում ենք, մակագրում, կաբինետներով շրջանառում, քննարկում ու վերջում պարզում, որ այն չենք կարող լուծել, որովհետև հարցն օրինական լուծում չունի: Հետո պարզում ենք, որ դիմումատուն լուծել է իր հարցը, որովհետև, ասենք, ոչ թե վարչապետին է դիմել, այլ շատ ավելի ցածր պաշտոնյայի ու գործել է բոլորովին այլ մեթոդներով, որը խայտառակություն է: Այս հարցով պետք է լրջորեն զբաղվենք, մի դեպքում կոռուպցիայի դեմ պայքարը խստացնելով, մյուս դեպքում օրենքները պարզեցնելով: Մարդկանց թվում է՝ մենակ իրենք են բյուրոկրատական սարդոստայնի մեջ ընկնում, որ ես պատմեմ՝ օրը քանի անգամ եմ բյուրոկրատական սարդոստայնի մեջ ընկնում, չեք հավատա»,- ասել է Փաշինյանը: