Միջազգային

Ուկրաինայի դատարանը ռուսաստանցի ռադիո և հեռուստահաղորդավար, բլոգեր Արմեն Գասպարյանին, ով հաճախ է հյուրընկալվում Վլադիմիր Սոլովյովի հաղորդումներում, հեռակա դատապարտել է 10 տարվա ազատազրկման՝ գույքի բռնագրավմամբ։ Այս մասին հայտնում է Ուկրաինայի անվտանգության ծառայությունը:
     ՈՒԱԾ-ի մամուլի հաղորդագրության մեջ Գասպարյանին անվանում են «դենացիզացման գաղափարախոս», քանի որ հենց նա է տարածել այս տերմինը և սկսել օգտագործել այն Ուկրաինայի վրա հարձակման համատեքստում 2022 թվականի լայնածավալ ներխուժումից շատ առաջ։

SBU-ն ընդգծում է, որ 2018 թվականին Գասպարյանը հրատարակել է իր «Ուկրաինայի ապանացիացումը. Չսովորած դասերի երկիր», որը «շինծու պատմություններ է քարոզում ուկրաինական պետության ձևավորման ձախողման մասին և կոչ է անում Ռուսաստանի ղեկավարությանը ռազմական հարձակման ենթարկել Ուկրաինային»։

«Current Time»-ը գրում է, որ Գասպարյանը մեղավոր է ճանաչվել Ուկրաինայի քրեական օրենսգրքի երեք հոդվածներով՝ ցեղասպանության հրապարակային կոչեր, ինչպես նաև ցեղասպանության կոչերով նյութերի պատրաստում, սահմանադրական կարգի բռնի փոփոխության կամ տապալմանն ուղղված գործողություններ կամ պետական ​​իշխանության զավթում, ոտնձգություն Ուկրաինայի տարածքային ամբողջականության և անձեռնմխելիության նկատմամբ։

2023 թվականի ապրիլին ՌԴ նախագահ Վլադիմիր Պուտինը Գասպարյանին ներառել է Ռուսաստանի Հանրային պալատում։